வாட்ஸ்-அப்பில் உலவும் போலிச் செய்திகளைக் கண்டறிய விரைவில் புது ஆப் அறிமுகம்!

வாட்ஸ்-அப்பில் உலவும் போலிச் செய்திகளைக் கண்டறிய விரைவில் புது ஆப் அறிமுகம்!பிரசித்தி பெற்ற கல்வி நிறுவனம் ஒன்றின் வல்லுநர்கள் குழு, வாட்ஸ்-அப்பில் உலவும் செய்திகளின் உறுதித்தன்மையை அறிய ஆப் ஒன்றை உருவாக்கி வருகிறது.

இந்திர பிரஸ்தா இன்ஸ்டிடியூட் ஆப் இன்பர்மேஷன் டெக்னாலஜியில் கணினி அறியவில் பேராசிரியராக பணியாற்றி வருபவர் பொன்னுரங்கம் குமாரகுரு.

இவரது தலைமையிலான வல்லுநர்கள் குழு, வாட்ஸ்-அப்பில் வரும் செய்திகளின் நம்பகத்தன்மையை அறிய உதவும் ஆப் ஒன்றை உருவாக்கும் முயற்சியில் ஈடுபட்டுள்ளது.

கடந்த சில மாதங்களாக நாட்டின் பல்வேறு இடங்களில் குழந்தை கடத்தல், பசுவதை உள்ளிட்டவை குறித்து செய்திகள் வாட்ஸ்-அப்பில் பரப்பப்பட்டு வருகின்றன.

இதனால் அப்பாவி மக்கள் அடித்துக் கொல்லப்படும் சம்பவங்கள் தொடர்ந்து அரங்கேறிக் கொண்டிருக்கின்றன. காவல்துறை சார்பில் கடும் எச்சரிக்கை விடுக்கப்பட்டும், பிரச்சனை தீர்ந்தபாடில்லை.

இதுபோன்ற சம்பவங்களைத் தடுக்க, புதிய ஆப் வழிவகை செய்யும் என்று பேராசிரியர் நம்பிக்கை தெரிவித்துள்ளார். இதற்காக பெரிய அளவிலான தகவல்கள் திரட்டும் பணியில் ஈடுபட்டுள்ளனர்.

பொதுமக்கள் தங்களுக்கு வரும் பகிரப்பட்ட செய்திகளை(Forwarded Messages), 9354325700 என்ற தொலைபேசி எண்ணிற்கு அனுப்பி வைக்க வலியுறுத்தியுள்ளனர்.

இந்த செய்திகள் ஆராயப்பட்டு, போலிச் செய்திகள் தொடர்பாக ஒரு மாதிரி வடிவத்தை உருவாக்கி வருகின்றனர்.

View image on Twitter

உதாரணமாக, ஒரு செய்தி வரும் போது, அதில் இடம்பெற்றிருக்கும் வண்ணக் குறியீடுகள்(Color Codes) மூலம் உண்மைத் தன்மையை அறிந்து கொள்ளலாம். அதாவது பச்சை வண்ணம் இருந்தால், நம்பகத்தன்மை வாய்ந்த செய்தி என்று அடையாளம் காணலாம்.

மஞ்சள் வண்ண செய்தியாக இருந்தால், அதனைப் பகுப்பாய்வு செய்ய இயலவில்லை என்று அர்த்தம். சிவப்பு வண்ண செய்தியாக இருந்தால், முற்றிலும் போலியான தகவல் என்று கண்டுபிடித்து விடலாம்.

தங்கள் குழுவினருக்கு வரும் அனைத்து குறுந்தகவல்கள் மூலமாக, பொதுவான காரணிகள் அடையாளம் காணப்படும்.

இது புகைப்படமாகவோ, இணையதள முகவரியாகவோ அல்லது சில குறிப்பிட்ட வார்த்தைகளாகவோ இருக்கலாம். இன்னும் இரண்டு மாதங்களில் புதிய ஆப் தயாராக இருக்கும் என்று பேராசிரியர் பொன்னுரங்கம் தெரிவித்துள்ளார்.

Leave a Reply

Your email address will not be published. Required fields are marked *